Artikel-Schlagworte: „Mundart“

Neue Schtärneföifi-CD und Konzert

Die neue Schtärneföifi-CD heisst RAGETE und geht dementsprechend ab!

Auf Ihrer achten CD bieten Schtärneföifi das, wofür sie bekannt und beliebt sind: Eine kurzweilige Reise durch die verschiedensten Musikstile – von Rock über Salsa bis hin zum Tango – garniert mit spannenden Texten und überraschenden Pointen.

Am 14. Juli um 16 Uhr spielt Schtärneföifi zum nächsten Mal in Zürich.
Das Konzert findet in der Ziegelhütte in Zürich-Schwamedingen statt.
Vorverkauf: Kulturverein Ziegelhütte, 044 500 53 53, info@kulturverein-ziegelhuette.ch

Weitere Konzertdaten von Schtärneföifi: www.schtaerne5i.ch/konzerte

Es Müsli

I bi es chlises Müsli
u winzig isch mis Hüsli.
U muess ig öppis z ässe ha,
so weiss ig nit wohäre ga.
Im Fäld tües mi verjage,
u ds Chätzli tuet mi plage,
u gan ig neume in es Huus.
rüeft Gross u Chly: e Muus…e Muus. De gits es grüsligs Wäse,
sie chöme mit em Bäse,
sie sueche mi..schla na mr uus, säg, bin ig nit e armi Muus?

Hinderem Münschter

Hinderem Münschter
Het es Ankeweggemeitli Butterweggli feil
Hinderem Münschter
Het es Ankeweggemeitli feil
Ankeweggemeitli Butterweggli feil
Butterweggemeitli Ankeweggli feil
Hinderem Münschter
Het es Ankeweggemeitli feil.

Bei iTunes downloaden

Sunne, Sunne, Sunnestrahl (Sunnelied)

Sunne, Sunne, Sunnestrahl:
Lüücht üs über Berg und Tal,
lüücht mer au zum Fenschter ii,
schiin uf alli, gross und klii,
schiin mer warm und hell ins Gsicht,
wärm mi uuf und das Gedicht,
won i do am Singa bi,
isch defür elei für dii!

(Text: Lorenz Pauli / Musik: Linard Bardill)

Notenblatt hier downloaden

S’Osterhäsli (hinderem Huus, vorem Huus)

Hinderem Huus, vorem Huus
Mache mir Ringeltänzli
S’Osterhäsli luegt üs zue
Wädlet mit em Schwänzli.

Hinderem Huus, vorem Huus
Sueche mir Moos und Steinle
S’Osterhäsli gumpt dervo
Schlänkeret syni Beinli.

Hinderem Huus, vorem Huus
Baue mir chlyni Näschtli
S’Osterhäsli springt gschwind hei
Holt sys Eierchäschtli.

Hinderem Huus, vorem Huus
Tüend mir lustig singe
S’Osterhäsli tuet üs hüt
Gfärbti Eili bringe.

Im Wald im schöne grüene Wald

Im Wald im schöne grüene Wald
han ich es Plätzli wo mir gfallt
ich ligge det im weiche Moos
und luege stune bloss

Ich lose wie dä Vogel singt
und au wie s’Bächli lustig springt
und d’Chäferli und s’Müggli chli
die sümmeled verbi

Und d’Spinne mit dä lange Bei
diä chräslet über Moos und Stei
und s’Schnäggli chrücht im Pilzli nah
s’wett öpis z’Ässe ha

Doch öpis gfallt mir bsunders guet
wänns i dä Tanne rusche tuet
und s’Eichhörnli ganz still versteckt
sis Näsli füre streckt.

Uff dr Fääri

Wil i hüt Geburdsdaag ha,
faar i uf em Rhy
D’Fääri isch jo gar nid düür,
fröölig stig i ii.

Für zwölf Batze hi und zrugg,
isch e Gschängli joo
himmelhoch isch d’Wettstaibrugg
Fäärimaa blib stoo

doch si Schiffli macht kai Raschd
s’Rad am Saili rollt
s’Münschder ragt in d’Wolge faschd
d’Wolge sin wie Gold.

d’Wälle sprütze d’Fääri aa
oo, wie ruschd dr Rhy
wott bis nach Amerika
in däm Schiffli sii.

dr Fäärimaa

1. Am Rhy dört stoot e Schlabbe
was foot me mit däm aa?
es hogt e Männli dinne:
Es isch dr Fäärimaa!

Refrain:
Hösch Fäärimaa,
hösch Fäärimaa,
hösch di wöt y sii!
Hösch Fäärimaa,
hösch Fäärimaa,
hösch dr Rhy isch dii!

2. Är faart dört mit sim Schiffli
dr ganz Daag hi und här
und dänggt by dere Arbet:
„Das isch jo gar nit schwär!“

Refrain:

3. Und wenn am andere Ufer
die alti Glogge schält,
do wird dr schweeri schwängel
uff die andri Site gheit.

Refrain:

4. Und sin die Lütt denn ändlig
in Schlappe iine kho,
do wird die langi Stange
uff die andri Site do.

Refrain:

5. Zerschd rysst är s’Rueder umme
und denn au d’Lyt no ab.
Die maischte gnyble willig
dr Stutz denn-usem Sagg

Refrain:

6. Und wot mol ain nid zaale,
so schloot är gar kai Krach.
Är paggt en schnäll am Kraage
und dunggt en kurz in Bach!

Refrain:

7. Kasch barfuess au uff d’Fääri,
bym Leu do fallsch kuum uff!
Dört faart e „Doppelmeter“
dä wird bestimmt nit muff!

Refrain:

8. Das Liedli isch jetzt fertig;
dr Fäärimaa goot haim.
Är schliesst sy alte Schlappe
dr Pulver nimmt er haim.

Refrain:

chinderliedli.ch bietet Eltern und Kindern Liedertexte, Melodien, Videos, Buch- und CD-Tipps zum Mitsingen. Zusätzlich informiert chinderliedli.ch in diesem Zusammenhang über Veranstaltungen und Kurse.

www.spielmeer.ch