Artikel-Schlagworte: „Schtärneföifi“
Mir sind im Hort
20. September 2011
Die Horte der Stadt Zürich feiern im 2011 ihren 125. Geburtstag. Aus diesem Anlass haben Schtärneföifi den Song «Mir sind im Hort» komponiert.
Musikvideo: Adobe Flash Player (Version 9 oder höher) wird benötigt um dieses Musikvideo abzuspielen. Die aktuellste Version steht hier zum herunterladen bereit. Außerdem muss JavaScript in Ihrem Browser aktiviert sein.
Intro
De Tag fangt frühe am Morgen aa
Di einte sind echo zum Zmorge da
Wänn di andere erscht ufschtönd
Und direkt in Chindsgi gönd (Sind mir im Hort, mir sind im Hort, mir sind im Hort)
Am Mittag chömmed au di Grosse dezue (Mir sind im Hort, mir sind im Hort, mir sind im Hort)
Us allne Klasse vo de ganze Schuel (Mir sind im Hort, mir sind im Hort, mir sind im Hort)
Klar, dass es nie langweilig sich
Mir somene Huuffe Chind am Tisch
Ref.
Mir sind im Hort, mir sind im Hort
Wo alli Chind am spiele sind
Es wird glacht und Blödsinn gemacht
Es isch luschtig da mit sovill Chind
Vorem Ässe singemer alli es Lied (Mir sind im Hort, mir sind im Hort, mir sind im Hort)
Mängisch so luut dass de Nachher reklamiert (Mir sind im Hort, mir sind im Hort, mir sind im Hort)
D’Lena lacht und git zur Antwort
Das mues dank so sii, das isch en Hort
Ref.
Mir ässed und trinked alli mitenand (Mir sind im Hort, mir sind im Hort, mir sind im Hort)
Öise Hort sich wie es Kinder-Reschtaurant (Mir sind im Hort, mir sind im Hort, mir sind im Hort)
D’Soraya hät nöd gärn Pouletbei
Sie git’s am Kurt, und dä nimmts mit hei
Ref.
Mir machet Uufzgi und spieled Domino (Mir sind im Hort, mir sind im Hort, mir sind im Hort)
Und mängisch gits sogar en Ausflug in Zoo (Mir sind im Hort, mir sind im Hort, mir sind im Hort)
Mir gönd an See oder is Hallenbad
Jetzt müemmer pressiere, suscht chömemer z’schpaat (in Hort)
Ref.
Liedtext als PDF
Text: Boni Koller
Schtärneföifi 2011
Veröffentlicht in Lieder | 
Schlagworte: Chindsgi, Hort, Mundart, Schtärneföifi, Schule | 
Keine Kommentare »
Wieso isch Züri so beliebt?
24. Mai 2011
Wieso isch Züri so beliebt? Wieso isch Züri so beliebt?
Sogar eusi Busschofföre sind für ihre Charme bekannt
Netti Billetkontrollöre säged „Grüezi mitenand“
Triffsch hilfsbereiti Herzchirurge, schtubereini Hünd
Züri isch, wie wämmer jede Tag im Lotto günnt
Vo Gämf bis uf St. Galle, und vom Wallis bis an Rhii
Alli möchted eifach möglichscht nöch bi Züri sii
Jede Mänsch wo Züri kännt, dä cha das guet verschtah
En Basler wo uf Züri chunnt, möcht nie meh furt vo da
Isch es wägem Züritüütsch, oder a was liits?
Wieso isch Züri so beliebt? Wieso isch Züri so beliebt?
So beliebt i de ganze Schwiiz
Wieso isch Züri so beliebt? Wieso isch Züri so beliebt?
Züri, das isch ETH, Flughafe und Zoo
Und s’Tram bringt eim vom Tanzkurs diräkt is Färnsehschtudio
Züri isch da wo mir läbed, Züri schlaft nöd ii
Was z’New York hüt zabig los isch, das isch bi eus scho geschter gsi
Züri, das isch s’Tor zur Wält für Chur und s’Ämmital
Es heisst, wämmer’s z’Züri schafft, dänn schafft mer’s überall
Alli wänd uf Züri, triffsch au mänge blöde’n Aff
Züri isch e Fäschthütte, und Züri isch es Kaff
Es git nöd numme Bankdiräkter, s’git au chliini Löhn
Und d’Hüüser ufem Züriberg sind au vo usse schön
S’git nöd numme Cocinase, s’git au Hürlimaa
Chasch mit fremde Lüüt schpontan Diskussione ha
Wieso isch Züri so beliebt? Wieso isch Züri so beliebt?
So beliebt ide ganze Schwiiz (Züri, Züri, nume Züri)
Wieso isch Züri so beliebt? Wieso isch Züri so beliebt?
So beliebt ide ganze Schwiiz (Züri, Züri, nume Züri)
Wieso isch Züri so beliebt? Wieso isch Züri so beliebt?
Isch es wäg de nette Lüt oder wägem See?
Nei das isch nöd alles, Züri büütet no vill meh
Di Wälsche glaubed Züri seg no grösser als Paris
Und d’Berner meined Züri segi d’Hauptschtadt vo de Schwiiz
Me isch zwar gärn bescheide und bildet sich nüüt ii
Aber wänn das alli meined, wird’s dänk au so sii
Wieso isch Züri so beliebt?
Wieso isch Züri so beliebt?
Wieso isch Züri so beliebt?
Wieso isch Züri so beliebt?
Wieso isch Züri so beliebt?
(Text & Musik: Schtärneföifi)
Wieso isch Züri so beliebt (mp3)
Ohni Znacht is Bett
12. August 2010
Noten und Text zum Lied lassen sich auf der Website von Schtärneföifi downloaden.
Zudem ist das Lied auch auf “Die grössten Schweizer Hits – Chinderlieder” zu finden.
Helikopter
12. August 2010
Noten und Text zum Lied lassen sich auf der Website von Schtärneföifi downloaden.
|