Artikel-Schlagworte: „Ueli Schmezer“

Bagger

Nananan….

I be e grossä Bagger und fahrä gärn im Dräck
I buddlä tiefi Löcher und i schuflä alläs wäg
I machä risä Hüfä wo ig nüm drüber gseh
Und nächhär tuäni badä be mir im Baggersee

I schaffä uf dr Baustell und machä Risäkrach
I stinkä obä usä usäm Uspuff ufäm Dach
I ladä jedä Laster bis är is schwizä chunt
Und nachhär machi Pausä mit de ‚stöz’ ä viärtäl Stund

Nananan….

I han e hufä Fründä, das macht mi schampar froh
De Kran de Trax und d’Walzi de Betomischer ou
Mir aui schaffä zämä vom Morgä bis id Nacht
Und wenn’s amau nöd längt denn wärdä Öberstondä gmacht

I han ä bräiti Schuflä zwöi Roupä ond än Tank
I nimä sältä Feriä und i mäldä me niä chrank
I schleppä schwäri Chettä für mi isch das nöd schwär
Ond wenn i mau nöm mag denn isch de Tank wahrschinlich lär

Nananana

und d’Lüt chömä cho z’laufä si blibä vor mir stah
Si machä grossi augä und sägä o la la
hesch gseh dä wahnsinns Bagger hesch gseh dä het denn Chraft
doch plötzlich chunt de Nico und tuät mi zrügg in Schaft

i be ne chlinä Bagger us Plastik und zum Spil
i machä gar käi Lärmä und Chraft han ich nöd vil
ond wenn ich äinisch gross be das weiss ich jetzte scho
de stink ich wiä di grossä und Lärmä mach i o

(Ueli Schmezer, mehr Infos und Bezugsmöglichkeiten hier. )

chinderliedli.ch bietet Eltern und Kindern Liedertexte, Melodien, Videos, Buch- und CD-Tipps zum Mitsingen. Zusätzlich informiert chinderliedli.ch in diesem Zusammenhang über Veranstaltungen und Kurse.

www.spielmeer.ch